فتت بمرحلة تخبط للحقيقة-سوريا وطن للكل وللمقاومة بالدرجة الاولى

Posted: 25/04/2011 in سوريا

للحقيقة صرلي فترة ما عدت عرفت شي من شي …الإخوان عم يحاولوا يتزعموا المشهد وأنا بكرهن كتير ..وما برضى إنو ينحسب الإخوان عالحراك بأي شكل من الأشكال بكره قذارتهن وبراغماتيتهن ..بكره قديه بينافقوا ..بكره بيان شمس الحرية تشرق على شعوب الشرق اللي طلع بعد ما فاتت أميركا عالعراق …إي ودخلكن جابت الحرية ؟

وعم بسمع نداءات طائفية وعم بسمع نداءات ضد المقاومة …واثق تماماً إنو ما بتعبر عن وعي حدا من الشارع السوري الطبيعي و فإذا مين اللي عم يفوت بين المتظاهرين مستغلاً العواطف الملتهبة بعد سقوط الشهداء ت يهتف ضد الوطن مو بس ضد حزب الله أو المقاومة أو ضد الشعب السوري على أساس طائفي,

إي لأ وعم بيصير قتل بمحلات معينة على أساس طائفي ..ما بعرف مين المسؤول عنو بس هيدا قذر والدور اللي عم يلعبوا بسوريا لا يقل قذارة عن الفساد الأمني والإقتصادي لإنو هيدول التلاتة سوا ” العهر الطائفي , الفساد و التغول الامني على الحياة المدنية ” هو أكبر خطر بيهدد سوريا من ناحية إضعاف الجبهة الداخلية لتعجز الجبهة الخارجية عن لعب الدور المطلوب بدعم المقاومة بلبنان والعراق , أو بالتطور النوعي للتدخل لتحرير الجولان .

العهر الطائفي بيمزق سوريا من الداخل وأي شعار اليوم بيقرب أو ممكن يفهم طائفياً ما بيفيد إلا أعداء سوريا والمقاومة وبالإسم بسمي أميركا والكيان الصهيوني والرجعيات العربية المتخاذلة والمطأطأة , نفس الشي الفساد ما بيفيد إلا اعداء سوريا لإنو رح يفقد المواطن ثقته بالكيان الوطني اللي بينتميله ورح يفسر هالفساد على أسس رح بتشكل الأرضية النتنة للعهر الطائفي , ونفس الشي التغول الأمني ما رح يفيد حدا إلا أعداء سوريا لأنه رح يزيد الإحتقان ورح يزيد من الإلتهاب النفسي والعاطفي والحسي للشارع السوري مما رح يغيب دور العقل والوعي بأي تحرك شعبي .

أما عن الحلول ف للحقيقة ما بعرف شي …بلشت أوقف عاجز ,

بس يجدر التلميح إلا أن ما كتبه عبد الستار قاسم هنا ” سوريون يهاجمون حزب الله “ أعجبني ..ويجب أن يقرأ ..

كذلك أعجبني التصريح الذي قدمه الشيوعي المزمن علاء عرفات لتلفزيون روسيا اليوم ويمكن الإطلاع عليه من هنا

مع ذلك …لا املك إلا أن أقول المجد لسوريا شعباً ومقاومةً والذل لكل من يريد تمزيقها إن عبر الفساد او عبر العصا الامنية أو عبر التجييش الطائفي والمذهبي

بالمقابل العصا الامنية والإعتقالات بعدا شغالة عالأرض وعدد الشهدا بإزدياد , سواء من رجال الأمن أو من المتظاهرين ,

Advertisements
تعليقات
  1. nawar youssef كتب:

    حبيب حمودي أنا كمان الي 3 تيام رح طق ما عم أعرف شي من شي و خاصة إنو ما فيني عم اعمل شي .
    أنا بصراحة كنت هلء بدي إكتب شي على المدونة الجديدة شي أول مرة بفكر في من كفر ب القومية العربية و الكفر بكلشي. بس صدفة قريت كتير محللين و برامج رجعتلي ثقتي إن سورية رح ترجع متل مكانت و أقوى و أنا متاكد إنو القوانين ألي حطوها جديده رح تطبق و تعطي الناس ألي طالبو فيها أول شي النتايج الكانو متوقعينها.
    أنا معك و مع المقالات ألي قريتها ما عدا التصريح الذي قدمه الشيوعي المزمن علاء عرفات، لنو باعتراف خدام و جماعة الاخوان المسلمين صرح بوجود خلايا تابعين الهنون بدرعا و ببانياس, بقى ما بعتقد إنو حكيو منطقي (إلا إذا كان خدام متفق مع الأمن و الدولة !!!!)

  2. ليلى كتب:

    ثقافة الهزيمة .. العتبة الخضراء‏

    و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار. و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير.

    ..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!! باقى المقال ضمن مقالات ثقافة الهزيمة بالرابط التالى

    http://www.ouregypt.us/culture/main.html

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s