شمس الصبح اختي و وطن

Posted: 20/12/2009 in ذاتيات
الوسوم:

ما بعرف شو اللي خلاني اكتب …وبكره الكتابة بالعامية بس لإنو بحقيقة الأمر ما بقدر سيطر على عواطفي لأكتب هالكلمات …

عم فيق كل يوم من بكير متل ما كنت فيق انا واختي لميس كل يوم الصبح ونروح على المدرسة سوا …كتير احيان نوصل متأخرين على أول حصة ف ما نحضر …

نضل سوا…لميس توأم روحي صحي اخر كم سنة كل واحد فينا بعد عن التاني شوي …بس بتضل كاسة المتة والأركيلة وأي شي بهالدنيا بيذكرني بلميس …كلشي كنا متعودين نخربه سوا…من ورا لميس جربت أو سيجارة بحياتي كنا صغار وشيطان التجربة شاطر قعدنا على البرندة ودخنا سوا شي تلات سواجير …

هلأ عم فيق كل يوم الصبح متل ما كنت فيق إيام المدرسة وبروح وبنطر باص الجامعة بكتير أحيان…بس الدنيا كتير برد ..كنا متعودين لما نروح على المدرسة إنو إتغزل بهيديك اللحظة …كنت دائما احكي محاولة شعرية فاشلة عن شمس الصباح الدافئة ..كنت لخص بهالكلمة كتير مشاعر كانت تفرحني…

انا اختي حبيبتي الناطرة بالمدرسة …شيطنة المراهقين …الحب اللي كان يربطني بأختي اللي كانت مفردات الوطن الأولى بالنسبة إلي…

هلأ كبرنا وكل واحد صار ببلد …مشتاق كتير ل لميس ل الوطن ل شمس الصبح الدافئة ..

هل البرد في داخلي بسبب الطقس …لا أرجح إنه برد الإبتعاد عنك وعن الوطن …

بالنهاية ما إلنا غير رقعة التراب الصغيرة اللي ربينا عليا….سلام لك يا طرطوس

 

Advertisements
تعليقات
  1. kenan phoenix كتب:

    فترة مؤقتة وبترجع الى تراب طرطوس وواثق أنو المعاناة هي ستكون مصدر أغاني رائعة…تحية الك من طرطوس وبحرها بيسلم عليك كتير… مبارح كان جانن وارتفاع الموجات شي 4 أمتار بساليوم مروق..

    • تسلم كنان على الرد الجميل …وفترة مؤقتة …ولطرطوس الخلود الأبدي ..
      يا الله شو مشتاق للأنبياء اللي عم تتصارع ببحر طرطوس …
      اربع امتار ..جنون مبارح كان حلو صح ؟

  2. hasan كتب:

    محمد الكلمات التي كتبتها مليئة بالدفء و قد ألقت دفئها الخاص على المدينة التي تحب
    و كان الحب و الأمل و الحنين و الدفء ملكا اعتلى شمسنا في صباحاتنا و في كل زاوية من كل بيت فعادت الأرض لتفخر بأبنائها أينما كانوا ………….. .

    تحية لك

    • يا مدينتي الحلوة …لكم أنا مشتاق …لكل شيء
      في كل بقعة من طرطوس أه كم تسكعت ..
      وفي كل منطقة في جسدي تسكن طرطوس الحبيبة …
      سلام لك ..فأنت في وطن الأقداس تسكن ..
      تحياتي

  3. ميسم كتب:

    يعني والله نيالها أختك عليك يا أبو حجر
    الاشتياق للمدينة التي تحب هذا هو حالك ولكن أقول لنيتعد عنها قليلا لندرك محبتنا لها
    الكائن البشري غريب لا يدرك فعلا قيمة الشيء الا بزواله وابتعاده
    تحيه

    • ميسم تسلمي شكرا كتير على الرد الجميل كوعيك الذي يغوص في العمق بعيداً عن التقليدية العمياء.
      بالنهاية تجربة الإبتعاد خلتني اعرف قيمة الأشياء …
      وشكرا لردك الجميل

  4. لوسي كتب:

    طلبت منك غنية بس انت مصر تبكيني وتذكرني انو نحنا إفترقنا !!!!
    انا دايما بحاول انسى أو إتناسى انو نحنا بعاد بس هلق حسيت قديش انا صابرة على فراقك
    دايما بسمع خشخشة مفاتيح جارنا وبعرف انو هو بس من داخلي …..بتمنى انو تكون مفاتيحك وتطل علينا بطلاتك الخجولة (المرة باليوم )
    ومنيح اللي كتبت هالكتابة قبل أيام من وصولك لأن ما بعرف كيف رح أصبر هل كم يوم
    بس لا تظلمني !! انا اللي خليتك ادخن أول سيجارة الله يسامحك شوهت سمعتي
    رغم كل شي صار وعم يصير بحبك كتير وفخورة فيك (على نغمة رغم كل شي صار وعم يصير أنا صنع في طرطوس وفخور كتير ) كيفني معك !!!!

  5. يسار كتب:

    حبيب البي يا ابو حجر كل هيدا لك خيي والله خليتني ابكي وانت بتعرفني منيح والله طرطوس كمان مشتاقة لتسمع صوتك الحلو كمان رفقاتك مشتاقين الك يا خيي ويا رفيقي

    • الرفيق الغالي يسار ….انا كتير مبصوت لإني قرأت كلماتك الغالية وعنجد مشتاق لنتواصل نقعد على البحر سوا نتمشور الساعة 6 الصبح متل المجانين …
      يا رفيقي العزيز ….مشتاق للكل …لكل الرفاق …
      أبو حميد قربت كتير أبو حميد قربت كتير

  6. لوسي كتب:

    طلبت منك غنية بس انت مصر تبكيني خليتني حس شو انا صابرة عفراقك
    كنت حاول إنسى أو اتناسى البعد ولكن هادا واقع……..
    كل ما بسمع خشخشة مفاتيح جارنا بقول يارب تكون إنت وتطل علينا بطلاتك الخجولةمع اني بعرف إنو هالشي مستحيل!!!
    بس منيح اللي كتب هالحكي قبل كم يوم من وصولك ………
    الله يسامحك ظلمتني أنا اللي علمتك الدخان ؟؟؟شوهت سمعتي …….هالحكي كان عمرنا شي خمس سنين……
    بس رغم كل شي صار وعم يصير بحبك كتير وفخورة فيك (على نغمة رغم كل شي صار وعم يصير انا صنع في طرطوس وفخور كتير )

    • لوسي حبيبة قلبي انا اللي كتير فخور فيكي يا أختي ورفيقة دربي العزيزة …
      مشتااااااااااقلك كتير
      وانت أغنيتي الخالدة ما بتقدر تحيط فيكي أغاني بشكلها المجرد
      قريباً ستضاء الأنوار …قريبا سأرى وجهك المشرق …أختي لميس …مفاتيح البيت عم يبكوا مشتاقين لقفل باب بيتنا …
      بتذكري لما دخنا سوا مين اللي كمشنا …الله يرحمه الموت غيبه
      انا كتير فخور فيكي وبحبببببببببببك كتير

  7. واحد كتب:

    والله على راسي يا زعيم
    والله اشي مش معقول هذا اللي بتسوي فينا يعني ما اتحركت مشاعري نهائيا
    بس على كل هواء الصحراء البارد بعبر عن الرجولة العربية اللي فينا
    ههههههههههههههههه

    • أهلين واحد …
      يا زلمة يمكن ما تحركت مشاعرك لإنو ما فيك مشاعر اصلا هههههههههههههههه
      بعدين هواء الصحراء البارد ما بعبر لا عن رجولة ولا عن خرا بيعبر عن إنو الوسط صحراوي وبس …
      أحلى رفيق

  8. MAJD SYRIA كتب:

    الله يخليلك أختك و يلم شملكم عن قريب

    • خولة كتب:

      اهلين مجودة شوف الصدفة انا وانت كيف التقينا , محمد هاد ابن عمي بس والله ماكنت قايلتلو منشان المدونة شوف الصدفة لانو انا مبارح لعرفت عنا من عمر رفيقي يلي من حلب , سلام

      • خولة ….يااااااااااااااااه هالصدفة الحلوة …ولك مية اهلين إم الخول يا بنتي فكرتك إنقرضتي ؟؟
        وين هالغيبة كلا…
        مشتاقلك كتير وخلينا نلتقي بالنزلة الجاي ع سوريا

    • شكــراً يا مجد …وتسلم كتير على الأمنية الدافئة

  9. خولة كتب:

    أول شي حكي روعة كلو دفا , تلني شي بعتذر محمد لانو انقطعنا بس دايما كنت عم اخد اخبارك , مدونة رائعة , بعتذر عالتاخير بس والله اشتقنا, صرلي زمان ما شفتك, سلملي علميس

  10. MAJD SYRIA كتب:

    صدفة حلوة
    عنجد انبسطت فيها لما خبرتني

    شكرا لصرخات

  11. nawar youssef كتب:

    حمودي — أنا متاخر كتير ع الرد بس مابدي احكي — انتي بتعرف شو بدي قول و شو عملت لم قريت كلماتك – مشتقلك يا ؟؟؟

  12. أبو حجر كتب:

    نوار الغالي ..حبيب قلبي انتا كمان كتلة هم إنو معقولة كل الطفولة عم تندثر …نوار اللي كان صديق التسكع الدائم يغادر فجأة
    مشتاقلك كتير يا صاحبي
    بحاول اتحركش فيك احياناً بمرحبا أو اهلاً أو لا شيء ..بس ت حس قديه كانت حلوة الإيام
    بتذكر لما طلعت لعندك عالضيعة يوم عيد الفصح وع أساس نسهر هيديك السهرة الطويلة ورحنا طرقناها نومة
    ههههههههههههههههه
    بتذكر بالكنيسة الكف المقدس اللي كان بده يعطيني اياه شادي ع أساس وما عرفت اخده
    هههههههههههههههههههه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s